جنـس النسا غدار. ملعون ملوهش أمان . إن يوم تآمن لهم راح يلدغك ثعبان . إن عشت فى وسطهم . لازم فى يوم تنهان
محروق أنا بمكرهم * بكره عليك الدور
*****
رافقت مَرة فتاة . عيون كما الغزلان . لسان ينقط عسل . وقوام رشيق فتان . قالت لى إنت الغرام . غيرك مفيش إنسان
خدعنى أنا مكرهم * بكره عليك الدور
*****
في يوم من الأيام . قالت زمانك مضى . اليوم غيرك ساكن . جوه هنا فى قلبى . رايد وصالى يوم . نفسه يقابل أهلي
دبحنى أنا مكرهم * بكره عـليك الدور
*****
أما الحبيب التانى . برضو خرج مسموم . والحلوة قالت سماح . قـلبى عليه اللوم . من بعد غدرى بحبك . ماشـفت يوم النوم
صدقت أنا مكرهم * بكره عليك الدور
*****
سمعت إسم جديد . وفى حضنها مضموم . زال الشيطان عنى . وسئلت مين برهوم . قالت غرامى الجديد . وطبعى ليك معلوم
شربت تانى الكاس * بكره عـليك الدور
*****
رجعت رحت الدار . بعينى والله رأيت . امى الحبيبه يا ناس . بتدعي رب البيت . يكفينى شر الناس . ومعاها أنا صليت
واجعني أنا مكرهم * بكره عليك الدور
*****
سئلت عنهم امى . قالت لي ليه طبيت . جنس النسا ملاعين . فيهم كتير عفاريت . لكن تلاقى بعضهم . هادى ويبني البيت
وعرفت أنا مكرهم * وإنت عليك الدور
